Азийн хөгжлийн банкны Техник туслалцааны хүрээнд хэрэгжүүлж буй “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” төслийн хэлэлцээрт Монгол Улсын Засгийн газар, Азийн хөгжлийн банк 2017 оны 9 дүгээр сарын 22-нд гарын үсэг зурж, төслийн үйл ажиллагаа 2018 оны 01 дүгээр сараас хэрэгжиж эхэлсэн.
“Төслийн дунд хугацааны үр дүн”-г танилцуулах сургалт Улаанбаатар хотноо 2019 оны 05 сарын 30, 31-нд зохион байгуулагдаж Улсын бүртгэлийн хэлтсийн иргэний улсын бүртгэгч Б.Бямбадулам, Э.Адъяабаяр, баянхонгор сумын улсын бүртгэгч Г.Бадамханд, бичиг хэргийн эрхлэгч Ж.Болортуяа нар амжилттай хамрагдлаа.
Уг төслийн хүрээнд 2018 онд Галуут, Баян-Өндөр, Богд сумууд онлайнд холбогдож, 2019 онд 8 сум Азийн хөгжлийн банкны дэмжлэгтэйгээр онлайн холбогдох бэлтгэл ажил хийгдэж байна.
